Hvernig stútar maður kvenfólki og hvernig stútar maður því ekki? Svarið er ekki langt undan því að hér les stórleikarinn Arnar Jónsson upp kafla úr Ljósgildrunni þar sem tveir fantar reyna að ráða fram úr því hvern þeir eigi að drepa næst.

Hvað er dularfyllra en aðkomumaðurinn sem stendur skyndilega þakinn snjó í anddyrinu á Hótel Þingvöllum þremur klukkutímum eftir miðnætti aðfaranótt 1. desember á því herrans ári 2020? Kannski það að hann tekur upp á því að hverfa þessa sömu nótt úr herberginu sínu? Kannski það að spor liggja frá svalahurðinni hans út í myrkt hraunið og að svo virðist sem hann leiði barn sér við hönd? Eitt er víst að allt fer hratt til fjandans í kjölfarið. Hér les stórleikarinn Arnar Jónsson lokahluta 1. kapítula Ljósgildrunnar.